నిరసన

ఆకాశం దీపావళి చేసుకుంటోంది
మెరుపుల మతాబులు వెలిగిస్తోంది
ఉరుముల పటాసులు పేలుస్తోంది
పిడుగుల బాంబులు కురిపిస్తోంది
ఆ గర్జనలకి కూడా చుక్క రాల్చని
పొగమేఘాలను చూసి
నీరసంగా నిట్టూర్పు విడుస్తోంది
వుండి వుండి గర్జనల గొణుగులతో
తన నిరసనను తెలియజేస్తోంది
ప్రకృతిని నాశనం చేసి
బ్రతుకు నరకం చేసుకునే
తన బిడ్డల ఆలోచనలకు
పదును పెట్టాలని
పదే పదే మెరుపు తీగల సందేశాలు
పంపిస్తోంది
ఆకాశం దీపావళి చేసుకుంటోంది.

ఈ కవిత రంజని (ఎ.జి. ఆఫీసు సాహితీ పత్రిక – సర్వధారి ఉగాది – 2008) సంచిక లో ప్రచురింపబడింది)