వెర్రి వెయ్యి విధాలు

వెర్రి వెయ్యి విధాలు

14-12-2008 రాత్రి 10-30 కి జీ తెలుగు ప్రసారం చేసిన చల్ మోహన రంగా చూశారా ఎవరైనా? ఒక గ్రామ వాసులంతా (కోడారు అనుకుంటా) ఒక శునకానికి ఘనంగా సీమంతం జరిపించారు. పైగా ఇది మూడవసారి. మొదటిసారి రెండు మూడు కుటుంబాలే హాజరైన ఈ సీమంత కార్యక్రమానికి తర్వాత జనాలు పెరిగి ఇప్పుడు చాలామంది పాల్గొన్నారు. ఆ శునకం కూడా చాలా బుధ్ధిగా కూర్చుని వేడుకలన్నీ జరిపించుకుంది. దండలు వేయించుకుంది బొట్లు పెట్టించుకుంది, అందరిచేతా అక్షింతలు వేయించుకుంది. బోలెడు మిఠాయిలు, పళ్ళు, మామూలు సీమంతాలకు కూడా అన్నిరకాలు అన్నిచోట్లా పెట్టరేమో. పైగా కొత్త చీరెలు కూడా కానుకగా ఇచ్చారండోయ్. మనలో మనమాట. ఎంత మంచి కుక్కయినా ఆ చీరెలేం చేసుకుంటుంది? వెర్రెత్తి చింపి పోగులు పెడుతుందా? ఏమోమరి. అందుకే అంటారు. వెర్రి వెయ్యి విధాలు అని. అందులో ఇదొకటి అనుకుందామా?