శూన్య ప్రపంచం .... కవిత

శూన్య ప్రపంచం

పిల్లలనెత్తుకుని లాలించి
బొజ్జనింపి బజ్జోపెట్టి
ఇద్దరు నలుగురైన లోకం
అదొక మురిపాల ప్రపంచం
బళ్ళో వేసి బాక్సులు కట్టి
హోమ్ వర్కులు చేయించి
పరీక్షలకి చదివించి
అమ్మయ్యో తీరికెక్కడిది
అదొక హడావిడి ప్రపంచం
పెర్సంటేజ్లూ కాలేజీలూ
యమ్ సెట్టు ప్రిపరేషన్
క్షణక్షణం ఆందోళన
అదొక పోరాట ప్రపంచం
రెక్కలొచ్చి పిల్లలెగిరి
నలుగురు యిద్దరయిన వేళ
అన్నీ వుండి ఏమీలేని సమయం
అదొక శూన్య ప్రపంచం!!


(నా ఈ కవిత సెప్టెంబరు 2002 ఆంధ్రభూమి మాస పత్రిక లో ప్రచురింపబడింది.)