బ్లాగుతో నా పరిచయం ఒక వార్తా పత్రిక వార్తతో మొదలయింది. నేను చూసిన వార్త ఫారెన్ లో వుంటున్న వంటలు సరిగ్గా రాని ఒకావిడ తనలాంటి వారి కోసం వంటల బ్లాగు మొదలు పెట్టారుట. అది దినదిన ప్రవర్ధమానమై ప్రకటనల జోరుతో హోరెత్తి పుస్తకాల రూపంలో కూడా వచ్చాయనుకుంటాను. బ్లాగుల గురించి నాకు తెలిసింది అప్పడే.
నాకూ మా వారికీ ముందునుంచీ కొత్త ప్రదేశాలు చూడటం సరదా. మధ్యలో కొంతకాలం ఆఫీసు వత్తిళ్ళు, పిల్లల చదువులు వగైరాలతో కుదరలేదు. తర్వాత మాకు దొరికిన ఖాళీ సమయాలలో కొత్త ప్రదేశాలు చూడటం మళ్ళీమొదలు పెట్టాం. ఇది వరకు కొంచెం పేరున్న ప్రదేశాలకే వెళ్ళేవాళ్ళంకానీ ప్రస్తుతం కారులో సొంత డ్రైవింగ్ లో తిరగటంతో దోవలో కనబడ్డ చిన్న చిన్న ప్రదేశాలు కూడా చూడటం మొదలు పెట్టాం. దానితో కొన్ని ఇబ్బందులు ఎదురయ్యాయి. దోవ కనుక్కోవటం, వసతి, భోజనం వగైరా విషయాలలో. ఇంటర్నెట్ వెతికినా అన్నింటి వివరాలూ తెలియలేదు. అప్పడు నేను చదివిన బ్లాగు గురించి గుర్తు వచ్చిది. మాకు అన్ని వివరాలూ తెలియలేదు సరే. మాకు తెలిసిన విషయాల గురించి బ్లాగులో రాస్తే ఆ ప్రదేశాలు చూడాలనుకునేవాళ్ళకి ఈ వివరాలవల్ల కొన్ని ఇబ్బందులన్నా తప్పించిన వాళ్ళమవుతామనుకున్నా. అదీగాక మేము చూసిన విషయాల గురించీ, మన చారిత్రాత్మిక, ఆధ్యాత్మిక సంపద గురించి అందరికీ చెప్పాలనే తపన ఒకటి. ఈ ఆలోచన వచ్చిన దగ్గరనుంచి ఇండియాలో మేము చూసిన ప్రదేశాల వివరాలు రాసి పెట్టుకున్నాను.
ఇంతలో పిల్లల దగ్గరకి అమెరికా వెళ్ళాం. అక్కడ మా అబ్బాయి తేజస్వి సహాయంతో బ్లాగు మొదలు పెట్టాను. ఎలాగూ మొదలు పెట్టాను కదా అని ముందు అమెరికా లో చూసినవి రాశాను ఒక రెండు మూడు ప్రదేశాల గురించి తప్ప.. అక్కడ వుండగానే కొన్ని తెలుగు పోస్ట్ లు కూడా పబ్లిష్ చేశాను గూగుల్ సహాయంతో. అక్కడ మా పిల్లల స్నేహితులనుంచి మంచి రెస్పాన్స్ వచ్చింది.
13-7-2008 న తిరిగి ఇండియా ప్రయాణం. పిల్లలదగ్గరనుంచి వచ్చేస్తున్నామని దిగులు. ఇంటి దగ్గర శూన్య ప్రపంచం నన్ను కొంచెం భయపెట్టింది. మొన్నటిదాకా ఉద్యోగం మూలంగా క్షణం తీరిక లేకుండా గడిపిన నాకు ఇంట్లో కాలక్షేపం గురించి కొంచెం దిగులు వుండేది. ఆ సమయంలో వచ్చింది శ్రీ దూర్వాసుల పద్మనాభం గారి మెయిల్. తెలుగు బ్లాగర్స మీటింగు గురించి. ఆ మెయిల్ ని చూసిన నాకు ఎంత సంతోషం వేసిందో మాటల్లో చెప్పలేను. రిటైరయినంత మాత్రాన నేను ఖాళీగా కూర్చోనక్కరలేదు. ఇంత దూరాన్నుంచి ఏవో నాలుగు పోస్ట్ లు పబ్లిష్ చేసినంతమాత్రానే నాకు బ్లాగర్స్ అసోసియేషన్ తరఫున మీటింగుకి పిలుపు వచ్చిందంటే ఇండియా వెళ్తే బోల్డు కాలక్షేపమని ఎగురుకుంటూ, మనోధైర్యంతో ఉత్సాహంగా వచ్చాను. ఒక విధంగా డిప్రెషన్ లోకి వెళ్తానేమోనని భయపడ్డ నేను హుషారుగా ఇండియా వచ్చేటట్లు చేసింది ఏ మాత్రం పరిచయంలేని శ్రీ పద్మనాభంగారూ ఇంకా తెలుగు బ్లాగులూ. నా బ్లాగుల మూలంగా నేను పొందిన ఈ లాభం విలువ కట్టలేనిది.
ఇండియా వచ్చిన తర్వాత సెప్టెంబర్ నెలలో శ్రీ సి.బి. రావు గారి ఇంట్లో జరిగిన బ్లాగర్ల సమావేశానికి వెళ్ళాము నేనూ శ్రీవారూ. అక్కడ పరిచయమయ్యారు శ్రీ పద్మనాభంగారు ఇంకా కొంతమంది సభ్యులతోపాటు. విశేషమేమిటంటే నాకు ఆయన చేసిన మేలు ఆయనకూ తెలియదు. సమావేశం గురించి హైదరాబాదులో వున్న తెలుగు బ్లాగర్లందరికీ టపా పంపించారు. అందులో నా పేరు వచ్చింది. ఎంత త్రిల్లింగ్ గా అనిపించిందో చెప్పలేను.
తర్వాత నేను పొందిన ఇంకో గొప్ప సహాయం శ్రీ జాలయ్య గారి దగ్గరనుంచి. గూగుల్ తెలుగు లో రాయటం నాకు బాగా అలవాటయినా వైరస్ మూలంగా ఇబ్బందులు ఎదుర్కొన్నాను. అను స్క్రిప్ట్, లేఖిని ప్రయత్నించాను కానీ సాఫీగా సాగలేదు. గుంపుకి ఒక లేఖ రాశాను. అప్పుడు జాలయ్యగారు ఇన్ స్క్రిప్ట్ ప్రయత్నించమని చెప్పారు. ఆ తర్వాత ఈ విషయంలో మళ్ళీ నాకు ఇబ్బంది ఎదురుకాలేదు.
అప్పుడే అయిపోలేదు ఆగండి. ఇప్పుడు నేను పొందిన ఇంకో మాంఛి సహాయం శ్రీమతి జ్యోతి దగ్గరనుంచి. అడిగిన వెంఠనే నా బ్లాగు రూపురేఖలు మార్చటానికి ఆవిడ ఒప్పుకున్నారు. అలాగే బ్లాగు విషయంలో నాకొచ్చిన అనుమానాలను తీర్చిన శ్రీ వీవెన్ గారు, శ్రీ సిబిరావు గారు, పాత కాలం భాష లో రాస్తే మాలాంటి వాళ్ళకి చదవటానికి ఓపిక వుండదు, రచనలు వాడుక భాషలో వుండాలని చెప్పిన శ్రీ కత్తి మహేష్,.....హమ్మయ్య. జ్యోతి ఈ పోస్ట్ ఇప్పుడు మొదలు పెట్టింది కనుక సరిపోయింది. ఇంకొన్నాళ్ళాగితే ఈ లిస్టు ఎన్ని పేజీలు సాగేదో.
మిగతా బ్లాగర్ల గురించి .... నిజం చెప్పాలంటే నాకు బ్లాగులగురించీ, వాటిలో ఏమి రాస్తారనీ తెలియదనే చెప్పాలి. ఏదో పత్రికల్లో రాసినట్లు నాకు తెలిసింది నేను రాస్తే కొందరికన్నా ఉపయోగ పడుతుందనే ఆలోచన తప్ప ఇంత ఇంటర్ ఏక్షన్ వుంటుందని తెలియదు. అలాంటి నేను ఈ రంగుల ప్రపంచంలోకి అడుగు పెట్టగానే అబ్బ! ఎంత అందమైనదీ లోకం. నాకు తెలియని ఒక అద్భుత ప్రపంచంలోకి వచ్చాను ఎన్నో విషయాలు తెలుసుకోవచ్చనుకున్నాను. ఇంతలో ఒక వైపు నుంచి అందమైన విరులెన్నో తమ సౌరభాలతో నన్ను రా రమ్మని పిలిచాయి. అంతే. ఆ ప్రమదావనంలో నన్ను నేనే మరచిపోయాను. ప్రస్తుతం నా చుట్టూ వున్న బంధాలను మరచిపోకుండా వుండేందుకు గట్టి ప్రయత్నం చేస్తున్నాను. అంటే ఆ ప్రమదావనం ఆకర్షణ ఎలాంటిదో అర్ధమయిందికదండీ.
బ్లాగు లోకానికి మనమేమి ఇచ్చామంటే, కొత్త ప్రదేశాలు చూసే సరదా వున్న వాళ్ళకి నా బ్లాగు ద్వారా అక్కడి వివరాలు తెలిసి ఇబ్బంది పడకుండా వెళ్ళి వస్తే నాకదే చాలు. వెళ్ళలేనివాళ్ళు నా బ్లాగులో ఆ ప్రదేశాల ఫోటోలు చూసి మన ప్రాచీన, నవీన దేవళాల గురించి, విహార స్ధలాల గురించీ తెలుసుకోవాలని నా కోరిక.
ఇంక నేనేమి పొందానంటే పైన కొన్ని విషయాలు చెప్పాను కదా. అవే కాకుండా బోలెడు పనికి వచ్చే కాలక్షేపం, చాలామంది స్నేహితులూ, అన్నింటికన్నా ముఖ్యం లోక ఙానాన్ని పెంచుకుంటున్నాను. ఇంతకన్నా ఇంకేం కావాలండీ. ఏమో. ఈ మహా సముద్రంలో ఇంకేం నిధులున్నాయో దొరికాక మళ్ళీ చెప్తాను. ఇంకో విషయం మాత్రం ఇప్పుడే చెప్పాలండీ. ఈ లోకంలో ఎవరికైనా ఏదైనా అనుమానం వచ్చి ఒక్క టపా రాశారంటే చాలు. సహాయం చెయ్యటానికి ఎంతమంది తయారయిపోతారండీ. నిస్వార్ధతకి నిలువెత్తు అద్దాలు కదండీ ఈ స్నేహ హస్తాలు.
దీని వల్ల లాభాలేకాదు. నష్టాలు కూడా వున్నాయండీ. చెయ్యాలనుకున్న చాలా పనులు చెయ్యటానికి సమయం సరి పోవటంలేదు. సాఫ్ట్ వేర్ ఇంజనీర్లు కూడా ఇంతసేపు కంప్యూటర్ ముందు కూర్చుంటారో లేదో తెలియదుగానీ ఇంతంత సేపు ఈ కంప్యూటర్ ముందు కూర్చుని కళ్ళనీ నడుమునీ పాపం ఇబ్బంది పెడుతున్నాను.
ఏది ఏమైనా ఇది ఒక అందమైన అనుభవం. అనుభవిస్తేకానీ అర్ధంకాదు. అందుకే బ్లాగర్లు కాని వారందరూ తొందరగా మీ మీ ఖాతాలు తెరవండి. శుభాభినందనలు.
Psmlakshmi
Psmlakshmi.blogspot.com
నాకూ మా వారికీ ముందునుంచీ కొత్త ప్రదేశాలు చూడటం సరదా. మధ్యలో కొంతకాలం ఆఫీసు వత్తిళ్ళు, పిల్లల చదువులు వగైరాలతో కుదరలేదు. తర్వాత మాకు దొరికిన ఖాళీ సమయాలలో కొత్త ప్రదేశాలు చూడటం మళ్ళీమొదలు పెట్టాం. ఇది వరకు కొంచెం పేరున్న ప్రదేశాలకే వెళ్ళేవాళ్ళంకానీ ప్రస్తుతం కారులో సొంత డ్రైవింగ్ లో తిరగటంతో దోవలో కనబడ్డ చిన్న చిన్న ప్రదేశాలు కూడా చూడటం మొదలు పెట్టాం. దానితో కొన్ని ఇబ్బందులు ఎదురయ్యాయి. దోవ కనుక్కోవటం, వసతి, భోజనం వగైరా విషయాలలో. ఇంటర్నెట్ వెతికినా అన్నింటి వివరాలూ తెలియలేదు. అప్పడు నేను చదివిన బ్లాగు గురించి గుర్తు వచ్చిది. మాకు అన్ని వివరాలూ తెలియలేదు సరే. మాకు తెలిసిన విషయాల గురించి బ్లాగులో రాస్తే ఆ ప్రదేశాలు చూడాలనుకునేవాళ్ళకి ఈ వివరాలవల్ల కొన్ని ఇబ్బందులన్నా తప్పించిన వాళ్ళమవుతామనుకున్నా. అదీగాక మేము చూసిన విషయాల గురించీ, మన చారిత్రాత్మిక, ఆధ్యాత్మిక సంపద గురించి అందరికీ చెప్పాలనే తపన ఒకటి. ఈ ఆలోచన వచ్చిన దగ్గరనుంచి ఇండియాలో మేము చూసిన ప్రదేశాల వివరాలు రాసి పెట్టుకున్నాను.
ఇంతలో పిల్లల దగ్గరకి అమెరికా వెళ్ళాం. అక్కడ మా అబ్బాయి తేజస్వి సహాయంతో బ్లాగు మొదలు పెట్టాను. ఎలాగూ మొదలు పెట్టాను కదా అని ముందు అమెరికా లో చూసినవి రాశాను ఒక రెండు మూడు ప్రదేశాల గురించి తప్ప.. అక్కడ వుండగానే కొన్ని తెలుగు పోస్ట్ లు కూడా పబ్లిష్ చేశాను గూగుల్ సహాయంతో. అక్కడ మా పిల్లల స్నేహితులనుంచి మంచి రెస్పాన్స్ వచ్చింది.
13-7-2008 న తిరిగి ఇండియా ప్రయాణం. పిల్లలదగ్గరనుంచి వచ్చేస్తున్నామని దిగులు. ఇంటి దగ్గర శూన్య ప్రపంచం నన్ను కొంచెం భయపెట్టింది. మొన్నటిదాకా ఉద్యోగం మూలంగా క్షణం తీరిక లేకుండా గడిపిన నాకు ఇంట్లో కాలక్షేపం గురించి కొంచెం దిగులు వుండేది. ఆ సమయంలో వచ్చింది శ్రీ దూర్వాసుల పద్మనాభం గారి మెయిల్. తెలుగు బ్లాగర్స మీటింగు గురించి. ఆ మెయిల్ ని చూసిన నాకు ఎంత సంతోషం వేసిందో మాటల్లో చెప్పలేను. రిటైరయినంత మాత్రాన నేను ఖాళీగా కూర్చోనక్కరలేదు. ఇంత దూరాన్నుంచి ఏవో నాలుగు పోస్ట్ లు పబ్లిష్ చేసినంతమాత్రానే నాకు బ్లాగర్స్ అసోసియేషన్ తరఫున మీటింగుకి పిలుపు వచ్చిందంటే ఇండియా వెళ్తే బోల్డు కాలక్షేపమని ఎగురుకుంటూ, మనోధైర్యంతో ఉత్సాహంగా వచ్చాను. ఒక విధంగా డిప్రెషన్ లోకి వెళ్తానేమోనని భయపడ్డ నేను హుషారుగా ఇండియా వచ్చేటట్లు చేసింది ఏ మాత్రం పరిచయంలేని శ్రీ పద్మనాభంగారూ ఇంకా తెలుగు బ్లాగులూ. నా బ్లాగుల మూలంగా నేను పొందిన ఈ లాభం విలువ కట్టలేనిది.
ఇండియా వచ్చిన తర్వాత సెప్టెంబర్ నెలలో శ్రీ సి.బి. రావు గారి ఇంట్లో జరిగిన బ్లాగర్ల సమావేశానికి వెళ్ళాము నేనూ శ్రీవారూ. అక్కడ పరిచయమయ్యారు శ్రీ పద్మనాభంగారు ఇంకా కొంతమంది సభ్యులతోపాటు. విశేషమేమిటంటే నాకు ఆయన చేసిన మేలు ఆయనకూ తెలియదు. సమావేశం గురించి హైదరాబాదులో వున్న తెలుగు బ్లాగర్లందరికీ టపా పంపించారు. అందులో నా పేరు వచ్చింది. ఎంత త్రిల్లింగ్ గా అనిపించిందో చెప్పలేను.
తర్వాత నేను పొందిన ఇంకో గొప్ప సహాయం శ్రీ జాలయ్య గారి దగ్గరనుంచి. గూగుల్ తెలుగు లో రాయటం నాకు బాగా అలవాటయినా వైరస్ మూలంగా ఇబ్బందులు ఎదుర్కొన్నాను. అను స్క్రిప్ట్, లేఖిని ప్రయత్నించాను కానీ సాఫీగా సాగలేదు. గుంపుకి ఒక లేఖ రాశాను. అప్పుడు జాలయ్యగారు ఇన్ స్క్రిప్ట్ ప్రయత్నించమని చెప్పారు. ఆ తర్వాత ఈ విషయంలో మళ్ళీ నాకు ఇబ్బంది ఎదురుకాలేదు.
అప్పుడే అయిపోలేదు ఆగండి. ఇప్పుడు నేను పొందిన ఇంకో మాంఛి సహాయం శ్రీమతి జ్యోతి దగ్గరనుంచి. అడిగిన వెంఠనే నా బ్లాగు రూపురేఖలు మార్చటానికి ఆవిడ ఒప్పుకున్నారు. అలాగే బ్లాగు విషయంలో నాకొచ్చిన అనుమానాలను తీర్చిన శ్రీ వీవెన్ గారు, శ్రీ సిబిరావు గారు, పాత కాలం భాష లో రాస్తే మాలాంటి వాళ్ళకి చదవటానికి ఓపిక వుండదు, రచనలు వాడుక భాషలో వుండాలని చెప్పిన శ్రీ కత్తి మహేష్,.....హమ్మయ్య. జ్యోతి ఈ పోస్ట్ ఇప్పుడు మొదలు పెట్టింది కనుక సరిపోయింది. ఇంకొన్నాళ్ళాగితే ఈ లిస్టు ఎన్ని పేజీలు సాగేదో.
మిగతా బ్లాగర్ల గురించి .... నిజం చెప్పాలంటే నాకు బ్లాగులగురించీ, వాటిలో ఏమి రాస్తారనీ తెలియదనే చెప్పాలి. ఏదో పత్రికల్లో రాసినట్లు నాకు తెలిసింది నేను రాస్తే కొందరికన్నా ఉపయోగ పడుతుందనే ఆలోచన తప్ప ఇంత ఇంటర్ ఏక్షన్ వుంటుందని తెలియదు. అలాంటి నేను ఈ రంగుల ప్రపంచంలోకి అడుగు పెట్టగానే అబ్బ! ఎంత అందమైనదీ లోకం. నాకు తెలియని ఒక అద్భుత ప్రపంచంలోకి వచ్చాను ఎన్నో విషయాలు తెలుసుకోవచ్చనుకున్నాను. ఇంతలో ఒక వైపు నుంచి అందమైన విరులెన్నో తమ సౌరభాలతో నన్ను రా రమ్మని పిలిచాయి. అంతే. ఆ ప్రమదావనంలో నన్ను నేనే మరచిపోయాను. ప్రస్తుతం నా చుట్టూ వున్న బంధాలను మరచిపోకుండా వుండేందుకు గట్టి ప్రయత్నం చేస్తున్నాను. అంటే ఆ ప్రమదావనం ఆకర్షణ ఎలాంటిదో అర్ధమయిందికదండీ.
బ్లాగు లోకానికి మనమేమి ఇచ్చామంటే, కొత్త ప్రదేశాలు చూసే సరదా వున్న వాళ్ళకి నా బ్లాగు ద్వారా అక్కడి వివరాలు తెలిసి ఇబ్బంది పడకుండా వెళ్ళి వస్తే నాకదే చాలు. వెళ్ళలేనివాళ్ళు నా బ్లాగులో ఆ ప్రదేశాల ఫోటోలు చూసి మన ప్రాచీన, నవీన దేవళాల గురించి, విహార స్ధలాల గురించీ తెలుసుకోవాలని నా కోరిక.
ఇంక నేనేమి పొందానంటే పైన కొన్ని విషయాలు చెప్పాను కదా. అవే కాకుండా బోలెడు పనికి వచ్చే కాలక్షేపం, చాలామంది స్నేహితులూ, అన్నింటికన్నా ముఖ్యం లోక ఙానాన్ని పెంచుకుంటున్నాను. ఇంతకన్నా ఇంకేం కావాలండీ. ఏమో. ఈ మహా సముద్రంలో ఇంకేం నిధులున్నాయో దొరికాక మళ్ళీ చెప్తాను. ఇంకో విషయం మాత్రం ఇప్పుడే చెప్పాలండీ. ఈ లోకంలో ఎవరికైనా ఏదైనా అనుమానం వచ్చి ఒక్క టపా రాశారంటే చాలు. సహాయం చెయ్యటానికి ఎంతమంది తయారయిపోతారండీ. నిస్వార్ధతకి నిలువెత్తు అద్దాలు కదండీ ఈ స్నేహ హస్తాలు.
దీని వల్ల లాభాలేకాదు. నష్టాలు కూడా వున్నాయండీ. చెయ్యాలనుకున్న చాలా పనులు చెయ్యటానికి సమయం సరి పోవటంలేదు. సాఫ్ట్ వేర్ ఇంజనీర్లు కూడా ఇంతసేపు కంప్యూటర్ ముందు కూర్చుంటారో లేదో తెలియదుగానీ ఇంతంత సేపు ఈ కంప్యూటర్ ముందు కూర్చుని కళ్ళనీ నడుమునీ పాపం ఇబ్బంది పెడుతున్నాను.
ఏది ఏమైనా ఇది ఒక అందమైన అనుభవం. అనుభవిస్తేకానీ అర్ధంకాదు. అందుకే బ్లాగర్లు కాని వారందరూ తొందరగా మీ మీ ఖాతాలు తెరవండి. శుభాభినందనలు.
Psmlakshmi
Psmlakshmi.blogspot.com
13 comments:
మీ సింహావలోకనం బాగుంది. అప్పుడప్పుడూ ఇలా reflect చేసుకోవడంవలన మనం ఎందుకు బ్లాగుతున్నామో, దానివలన మనకు కలుగుతున్న మానసిక ఆనందమేమిటో మనకే తెలియని అనుభూతులేమిటో ఆలోచనలనుంచీ అక్షరరూపంలోకి వస్తాయి. నా అభినందనలు.
బాగుంది మీ అనుభవం.
మీ టపాకి వ్యాఖ్యలకి మద్య చాలా ఖాళీ వస్తుంది, ఒక్కసారి ఎడిట్ లోకి వెళ్ళి సరిచేయండి.
Word verification కూడా తీసేస్తే బాగుంటుంది.
చాలా చక్కగా రాసారండిశ్రీమహాలక్ష్మి గారు,మీ బ్లాగు టెంప్లేటు,ఫాంటు,దాని సైజూ బాగున్నాయి(జ్యోతి గారి హస్తం ఉండి ఉంటుంది)బ్లాగులోకం లోని అనుకూల,ప్రతికూల(సరదాగానే)బాగా వివరించారు.(మనలో మన మాట నేను ఇక్కడెప్పుడన్నా ఇంతకు ముందు కామెంటు రాసానా చెప్పగలరు)
అలాగే సిరిసిరిమువ్వ గారు చెప్పిన సూచనలూ పాటించండి.
నాకు కూడా ప్రయాణాలు అంటే చాలా సరదా.. మీ నుండి మంచి మంచి ట్రావెలాగులు వస్తాయని ఆశిస్తూ, మీ బ్లాగు ప్రయాణం కూడ మంచి ట్రావెల్ అవ్వాలని...
ప్రయాణాలంటే నాకు సరదానే ,కాని ప్రప్తం లేదు ఎంచేస్తాం .ఈ సారి మీతో ముచ్చట్లేసుకుంటా .ఇక మీరు చెప్పాలి నేను వూ.... కొట్టాలి సరేనా
బాగుంది మీ ప్రయాణం :-) మరి ఇప్పటివరకూ మీరు చూసిన ప్రదేశాల గురించి మాకు అప్పుడప్పుడూ చెప్తుండండి..
మీరు మా ఇన్‌స్క్రిప్టు తెగకు చెందినవారైనందుకు చాలా సంతోషం కలిగింది. మా తెగలో చేరమని తెగేదాకా లాగుతుంటాం దొరికిన జనాన్ని మేము అప్పుడప్పుడూ. చేరకపోతే తెగ ఫీలైపోతుంటాం కూడా. ఇన్‌స్క్రిప్టు నేర్చుకున్నందుకు మీకు ప్రత్యేకాభినందనలు.
మీ బ్లాగు ఇప్పటి వరకు చాలా తక్కువ చదివాను.ఇప్పటి నుండి తప్పక చదువుతాను.మీరు చాలా మంచి వుద్దెస్శ్యంతో బ్లాగు రాస్తున్నారు.అందుకు అభినందనలు మరియు థాంక్స్.
లక్ష్మిగారు,
మీరు మెల్లిగా బ్లాగులన్నీ చదువుతూ ఉండండి. అసలు టైమ్ తెలీకుండా గడిచిపోతుంది.. ఇక మీ ఉద్యోగ అనుభవాలు, బాల్యజ్ఞాపకాలు, అల్లరి, ఇలా అన్నీ హాయిగా మీ బ్లాగులో రాసుకుంటూ పోవడమే..
ట్రావెల్ బ్లాగులో చిత్రాలతో పాటు వివరాలు కూడా పొందుపరచండి.
నాకు కూడా ప్రయాణాలు అంటే సరదా.మరి ఇప్పటివరకూ మీరు చూసిన ప్రదేశాల గురించి మాకు చెప్తుండండి.కొత్తగా బ్లాగ్ ప్ర్రారంబించిన నా బ్లాగ్ ఒకసారి దర్శించి www.ragamrrao.blogspot.com
కామెంటిన అందరికీ కృతఙతలు. మేము చూసిన ప్రదేశాల గురించి 29 పోస్ట్శ ఇప్పటిదాకా psmlakshmi.blogspot.com లో పబ్లిష్ చేశాను. యాత్ర అని పేరు పెట్టారు జ్యోతి గారు. ఊ మధ్యలో ఆంధ్రభూమి వార పత్రికకు మా నస్గొెడయాత్ర వివరాలు పంపటంతో కొంత, బ్లాగు రూపురేఖలు మార్చే వుద్దేశ్యంతో కొంత గేప్. 23-10-2008 ఆంధ్రభూమి వార పత్రికలో మీరు చూశారా శీర్షికలో నల్గొండ విశేషాలు ప్రచురిచబడ్డాయి. psmlakshmi
లక్ష్మి గారు బాగున్నాయండి మీ యాత్రా విశేషాలు ఇప్పుడీ బ్లాగు యాత్ర కూడ. మీకు నచ్చిన అంశమే రాయమనడం కూడా చాలా యాదృచ్ఛికంగా జరిగిందనుకొంట. మంచి అనుభవాలు.
లక్ష్మి గారికి నమస్కారం! మీ బ్లాగు విశేషాలు బాగున్నాయి, అలాగే మీ యాత్ర విశేషాలు కుడా. మీరు మా ఊరిలో (డెట్రాయిట్) కొన్ని రోజులు ఉన్నారని మీ టపాల ద్వారా తెలిసింది. మీ యాత్రలలాగే మీ బ్లాగుల ప్రయాణం కుడా విజయవంతంగా జరగాలని ఆశిస్తాను.
Post a Comment