కొంటె కోణాలు

కొంటె కోణాలు

మనిషి మనసులో ఎన్నో ఆలోచనలు. అందమైనవి కొన్నయితే ఆలోచింపచేసేవి మరి కొన్ని. అవునండీ. ఆలోచనలు కూడా ఆలోచింప చేస్తాయి. నిఝం. కావాలంటే ఆలోచించి చూడండి. మరి బాధాకరంగా వుండేవి కొన్నయితే భయంకరంగా వుండేవి ఇంకొన్ని. ఇలా చెప్తూ పోతే మనిషికుండే భావాలన్నీ పోగు పెట్టినట్లవుతుందిగానీ ఒక్క విషయం మాత్రం అందరం ఒప్పుకోక తప్పదు. ఏ మనిషిలోనైనా సరైన ఆలోచనలు వివేకాన్ని పెంపొందింపచేసి మంచికి మార్గం చూపిస్తే, దురాలోచనలు దుష్ప్రవర్తనకీ, దుర్మార్గానికీ దారి తీస్తాయి. మరి మెరుపు తీగల్లా అప్పుడప్పుడూ తళుక్కుమనే కొంటె ఆలోచనలు కొన్ని చిరునవ్వు తెప్పిస్తే మరికొన్ని మళ్ళీ మళ్ళీ నవ్విస్తాయి. అలాంటి కొన్ని కొంటె కోణాలని ఆవిష్కరించే ప్రయత్నమే ఇది. గుర్తొచ్చినప్పుడల్లా నవ్వుతూ వుండండేం. నవ్వు నానా విధాల ఆరోగ్యకరమని నవ్వే ప్రతి వాళ్ళూ చెప్తున్నారు మరి.